Конференцијата Писменото и книжевното културно наследство од Скопје и Скопско во организација на Институтот за македонска литература ќе се одржи во среда, 29 октомври 2021 година со почеток во 10.00 часот.
Местото на одржување е амфитеатарот на Институтот за македонски јазик „Крсте Мисирков“, I кат, со почитување на мерките и препораките за заштита од Covid-19.
На отворањето на Конференцијата свои обраќања ќе имаат в.д. директорката на Институтот за македонска литература проф. д-р Наташа Аврамовска и претседателот на Одборот проф. д-р Илија Велев. Ќе се промовира зборникот на трудови Културниот туризам во афирмација на македонското културно наследство во Скопје и Скопско, чиј промотор е проф. д-р Ана Мартиноска. М-р Марина Цветаноска ќе има интерактивна интерпретација на творби од словенската писменост.
Организационен одбор на Конференцијата: д-р Илија Велев (претседател), д-р Маја Јакимовска-Тошиќ, (член) и д-р Сарита Трајанова (секретар)
Конференцијата се реализира во рамките на проектот Писменото и книжевното културно наследство од Скопје и Скопско, кој е од областа промоцијата на културното наследство со поддршка на Градот Скопје.