Четврти колоквиум на Комисијата за стилистика на Меѓународниот славистички комитет
СТИЛИСТИЧКИ АТЛАС НА СЛОВЕНСКИТЕ ЛИТЕРАТУРИ
16 – 18 април 2026
Институт за македонска литература, УКИМ, Скопје
Главната тема по која ќе се дискутира и ќе се дадат образложенија ќе биде изработката на стилистички атлас(и) на словенските литератури.
Појавата на електронските корпуси (во последните децении) и втората генерација на вештачка интелигенција (во 2022 година) создадоа неопходна и поволна основа за работа на нешто што досега не постоело во словенската стилистика (а можеби и пошироко) и за кое размислуваме многу години: изработка на стилистички атлас на словенските литератури.
Работата на овој проект се одвива во неколку фази. Првата вклучува формализирање на стилистичкиот материјал на (а) одредени словенски литератури (писател, дело, жанр) и (б) период. Во втората фаза резултатите се претвораат во стилистички карти. Во третата се опишуваат картографските податоци и аспекти.
Суштината на ваквиот потфат се состои во моделирање на стилистички феномени, процеси, техники итн. со помош на мапирање – формализација, што резултира со карти со стилистички пејзаж, од кои некои можат да бидат во форма на: а) дијаграм, б) шема, в) табела (со статистички податоци), г) геометриски фигури – линија (со полови А и Б), триаголник (А – Б – В), квадрат (А – Б – В – Г), пирамида, круг, сфера.
Оправданоста, целесообразноста, корисноста и начинот на имплементација на еден ваков проект, особено предложениот концепт, како и можноста за учество на натпревари и добивање грантови за меѓународни и национални проекти, ќе бидат разгледани на Четвртиот стилистички колоквиум на Комисија за стилистика на Меѓународниот славистички комитет на 16, 17 и 18 април 2026 година во Македонија (Скопје) во Институтот за македонска литература при Универзитетот „Св. Кирил и Методиј“ во Скопје, а трудовите ќе бидат објавени во институтското списание за книжевна наука Спектар.